अमळनेर तालुक्यातील वावडे येथील घटना
अमळनेर (प्रतिनिधी) :- तालुक्यातील वावडे येथील एम.एस.ई.बीच्या सोलर प्लांट वरून १ लाख २० हजार रुपयांचे केबल वायरचे साहित्य लंपास केल्याची घटना उघडकीस आली असून मारवड पोलिसात गुन्हा दाखल करण्यात आला आहे.
वावडे येथे एमएसकेव्हीवाय १३ सोलर एसपीव्हीलि.एम एस.ई.बी सोलर प्लांटचे काम सुरू आहे. कुशाना विकास हे या प्लांटवर सिनियर इंजिनियर आहेत. ते अमळनेर व पारोळा युनिटचे कामकाज पहात असतात. या साईटवर कंपनीकडून ३ सुरक्षा गार्ड नेमलेले आहेत. दिनांक २२ डिसेंबर रोजी सकाळी १० वाजता सुरक्षा रक्षक यांनी इंजिनियर यांना फोन करून सांगितले की, प्लांट वरील सोलर केबल जागेवर दिसत नाही.
त्यावेळी इंजिनियर यांनी जागेवर जाऊन पाहिले असता ९० हजार रुपये किमतीची ६ कि.मी. लांबीची सोलर केबल तसेच ३० हजार रुपये किंमतीची १ कि.मी. लांबीचे केबलचे २ बंडल असा एकूण १ लाख २० हजार रुपये किमतीचे साहित्य अज्ञातांनी चोरीला नेल्याचे समजले. सिनियर इंजिनियर कुशना विकास यांच्या फिर्यादीवरून मारवड पोलिसात गुन्हा दाखल करण्यात आला आहे. पुढील तपास विनोद साळी करीत आहेत.
