शिरसोली (प्रतिनिधी) :- येथील बारी समाज माध्यमिक व उच्च माध्यमिक विद्यालयात साने गुरुजी जयंती साजरी करण्यात आली. कार्यक्रमाच्या अध्यक्षस्थानी विद्यालयाचे मुख्याध्यापक राजेंद्र आंबटकर हे उपस्थित होते. प्रमुख अतिथी म्हणून विद्यालयातील जेष्ठ शिक्षक सुनील भदाणे, उपशिक्षिका मनीषा पायघन हे होते.
कार्यक्रमाचे अध्यक्ष व प्रमुख अतिथी यांच्या हस्ते पूज्य साने गुरुजींच्या प्रतिमेचे पूजन करण्यात आले. प्रसंगी कार्यक्रमाचे प्रास्ताविक व सूत्रसंचालन सांस्कृतिक प्रमुख दीपक कुलकर्णी यांनी केले. विद्यालयाचे मुख्याध्यापक राजेंद्र आंबटकर यांनी अध्यक्षीय भाषण केले. विद्यार्थ्यांना साने गुरुजींबद्दल सखोल माहिती त्यांनी दिली. तसेच, साने गुरुजींचे गुण व संस्कार आत्मसात करण्याचे विद्यार्थ्यांना आवाहन केले. कार्यक्रमाचे आभार घनश्याम काळे यांनी मानले. प्रसंगी नेत्रा वाणी उपस्थित होत्या.
