चंद्रकांत कोळी
रावेर (प्रतिनिधी) :- तालुक्यातील खिर्डी येथे महाराष्ट्र शासनाच्या आदेशानुसार “प्रशासन गाव की ओर मोहीम” अंतर्गत महसूल प्रशासनाच्या वतीने मौजे खिर्डी बु येथील ग्रामपंचायत कार्यालयात लोकशाही दिनाचे आयोजन करण्यात आले होते. यावेळी महसूली प्रलंबित प्रकरणांचा निपटारा करण्यात आला. तसेच ग्रामस्थ, शेतकरी खातेदार यांना विविध योजनांची माहिती देण्यात येऊन त्यांच्या शंकाचे निरसन करण्यात आले. याप्रसंगी खिर्डी आणि परिसरातील शेतकरी मोठ्या संख्येने उपस्थित होते.
यावेळी मंडळ अधिकारी प्रविण कुमार नेहेते, तलाठी एच. पी. जोशी, तलाठी हर्षल पाटील, तलाठी स्मिता कोळी, तलाठी अश्विनी हांडे, तलाठी रमाकांत कोळी, ग्रामसेवक एस. आर. पाटील, कोतवाल, ग्रामपंचायत कर्मचारी व ग्रामस्थ उपस्थित होते.
