भादली ते भुसावळ डाऊन रेल्वे रुळावरील घटना
भुसावळ (प्रतिनिधी) :- तालुक्यातील भादली ते भुसावळ रेल्वे स्टेशनकडे जाणाऱ्या डाऊन रेल्वे रुळावर गुरुवारी दुपारी ३ वाजेच्या सुमारास अनोळखी तरुणाचा मृतदेह आढळून आला. ओळख पटविण्याचे आवाहन करण्यात आले असून याबाबत पोलिसात अकस्मात मृत्यूची नोंद करण्यात आली आहे.
रेल्वे कर्मचारी शुभमकुमार शंभुप्रसाद यांनी पोलिसांना माहिती दिली. मृताचे वर्णन असे अंगाने सडपातळ, पिवळ्या रंगाचा शर्ट, आकाशी रंगाची जिन्स पॅन्ट, उजव्या हाताच्या मनगटावर जयसेतू मंदिराचे चिन्ह, संदीप, माँ तसेच एस व ए असे गोंदलेले, वय सुमारे ३० ते ३५ वर्ष आहे. या तरुणास मालगाडीने धडक दिल्याने त्याचा जागेवरच मृत्यू झाला असून ओळख पटविण्याचे आवाहन करण्यात आले आहे.
