महायुतीला विजयी करण्याचे आवाहन
पारोळा (प्रतिनिधी) : येथील पारोळा-एरंडोल विधानसभा मतदारसंघाचे महायुतीचे तथा शिवसेना शिंदे गटाचे उमेदवार अमोल चिमणराव पाटील यांच्या प्रचारासाठी कार्यकर्ते व पदाधिकाऱ्यांनी पारोळा व एरंडोल तालुक्यात जोरदार प्रचार सुरु केला आहे. प्रचारादरम्यान, जनतेला महायुतीच्या पाठीशी राहण्याचे आवाहन कार्यकर्ते करीत आहे.
नेत्याच्या मागे असणारी कार्यकर्त्यांची शक्ती खूप महत्वाची असते. अशातच आ. चिमणराव पाटील यांनी मतदारसंघात विकासाची गंगा आणली असून त्यांचा विकास परंपरेचा वारसा पुढे नेण्यासाठी अमोल चिमणराव पाटील हे आता मैदानात उतरले आहे. त्यांनी जनतेला साद घातली असून महायुतीच्या पाठीशी कायम राहण्याचे आवाहन शिवसेना, भाजप पदाधिकारी व कार्यकर्ते हे ग्रामस्थांना करीत आहे. गावात कार्यकर्त्यांनी महिला भगिनी व तरुणांना देखील आ. चिमणराव यांचे कार्य सांगून त्यांच्याशी चर्चा करीत आहे.
तसेच, महायुतीच्या जाहीरनाम्याबाबत माहिती देत त्यांना धनुष्यबाण चिन्हाला मतदान करण्याबाबत आवाहन करीत आहेत. कार्यकर्त्यांनी आता उमेदवार अमोल चिमणराव पाटील यांना विजयी करण्यासाठी कंबर कसली असून केवळ ४ दिवस प्रचाराला राहिले आहेत. या ४ दिवसात प्रचाराने आता वेग घेतला असून गावोगावी अमोल पाटील यांच्याविषयी सकारात्मक वातावरण निर्माण झाले आहे.
