एरंडोल तालुक्यातील प्रचारामध्ये सुखद अनुभव
एरंडोल (प्रतिनिधी) : महायुतीचे उमेदवार अमोल पाटील यांच्या प्रचार रॅलीला एरंडोल तालुक्यातील नागरिकांकडून उत्स्फूर्तपणे प्रतिसाद मिळाल्याचे पाहायला मिळाले. दरम्यान प्रचार सुरू असतांना एका वृध्द महिलेने अमोल पाटील यांच्याशी संवाद साधला. त्यावेळी एका वृद्ध महिलेने आपल्या अहिराणी भाषेतील गोड गीत म्हणून अमोल पाटील यांचे कौतुक केले व त्यांना भरभरून आशीर्वाद दिल्याचे पाहायला मिळाले. यावेळी आजीबाईच्या प्रेमाने अमोल पाटील भारावले.
शिवसेना पक्षाचे उमेदवार अमोल चिमणराव पाटील यांच्या प्रचार रॅलीला दिवसेंदिवस लोकप्रियता मिळत असल्याचे दिसून येत आहे. एरंडोल तालुक्यातील विविध गावांमध्ये बुधवारी अमोल पाटील यांनी प्रचार केला. प्रचारामध्ये महिला भगिनी, जेष्ठ नागरिक त्यांना भरभरून आशीर्वाद देत आहेत. एका गावामध्ये वृद्ध महिलेने तर चक्क गीत म्हणून अमोल पाटील यांना शुभाशीर्वाद दिले. यावेळी काही क्षण अमोल पाटील हे भावुक झालेले कार्यकर्त्यांना दिसून आले. त्यानंतर अमोल पाटील यांनी पुढील गावात आपला प्रचाराचा मोर्चा वळवला. त्यांच्या प्रचार रॅलीत परिसरातील कार्यकर्ते व ग्रामस्थ यांची मोठ्या संख्येने उपस्थिती होती.
