शाहूनगर येथे फोडला प्रचाराचा नारळ
जळगाव (प्रतिनिधी) :- महाराष्ट्र नवनिर्माण सेनेचे जळगाव शहराचे अधिकृत उमेदवार डॉ.अनुज पाटील यांच्या प्रचाराचा नारळ शाहूनगर येथील तपस्वी हनुमान मंदिरात वाढवून महाराष्ट्र नवनिर्माण सेनेचे नेते माजी आमदार ऍड जयप्रकाश बाविस्कर यांनी शुभारंभ केला.
प्रचार दौऱ्याला जळगावच्या कणखर जनतेचा उसळता प्रतिसाद मिळाला. प्रत्येक गल्ली, प्रत्येक वाडी, वस्तीतील जनतेच्या डोळ्यांत आत्मविश्वासाची झलक, आशेची किरणं, आणि महाराष्ट्र नव्या उमेदीने घडवण्याची जिद्द दिसत होती. डॉ. अनुज पाटील यांच्या स्वागताला ज्येष्ठ नागरिक, माता भगिनी यांच्याकडून आशीर्वाद मिळाले, अनेक बहिणींच्या ओवाळणीतून कौटुंबिक प्रेम दिसलं. महाराष्ट्र नवनिर्माण सेनेवर विश्वास दाखवणारे नागरिक आपले बांधव आहेत, आणि त्यांच्या प्रश्नांवर तोडगा काढणे ही आपली जबाबदारी आहे.
महाराष्ट्र नवनिर्माण सेनेचे अधिकृत उमेदवार डॉ. अनुज पाटील यांचा आजचा प्रचार दौरा शाहू नगर, जे.डी.सी.सी. बँक कॉलनी, पोलीस परेड ग्राउंड, प्रताप नगर, गिरणा वसाहत, इंडिया गॅरेज परिसर, तुकाराम वाडी, जानकी नगर, गणेश वाडी, भास्कर मार्केट पोलीस मुख्यालय, गणेश नगर, दंगल ग्रस्त कॉलनी या परिसरात झाला. महाराष्ट्र नवनिर्माण सेनेचे जिल्हाध्यक्ष ऍड जमील देशपांडे, महानगरअध्यक्ष किरण तळेले, उपमहानगर अध्यक्ष सतीश सैंदाणे, चेतन पवार, श्रीकृष्ण मेंगळे, विद्यार्थी सेनेचे योगेश पाटील, साजन पाटील, जितेंद्र पाटील, ललित शर्मा, आशुतोष जाधव यांच्यासह डॉ. अनुज पाटील यांच्या परिवारातील सदस्य उपस्थित होते.
