जळगावात चोरट्यांची ड्युटी सुरूच
जळगाव (प्रतिनिधी) :- शहरात अयोध्या नगरात तरूणाचे बंद घर फोडून घरातून सोन्याचांदीचे दागिने असा एकुण ६४ हजार ४५० रूपये किंमतीचा मुद्देमाल अज्ञात चोरट्यांनी चोरून नेल्याची घटना शनिवारी दि. २६ ऑक्टोबर रोजी सायंकाळी ६ वाजता समोर आली आहे. या प्रकरणी रविवारी दि. २७ ऑक्टोबर रोजी एमआयडीसी पोलीस ठाण्यात गुन्हा दाखल करण्यात आला आहे.
सुरज राजेंद्र भामरे (वय ३५, रा. अयोध्या नगर, जळगाव) हा तरूण ज्वेलर्स दुकान चालवून उदरनिर्वाह करतो. शनिवारी दि. २६ ऑक्टोबर रोजी त्यांचे घर बंद असतांना अज्ञात चोरट्यांनी घराचे कडीकोयंडा तोडून आत प्रवेश करत घरातून ६४ हजार ४५० रूपये किंमतीचे सोन्याचांदीचे दागिने चोरून नेल्याची घटना सायंकाळी ६ वाजता समोर आला. याप्रकरणी सुरज भामरे यांनी एमआयडीसी पोलीस ठाण्यात तक्रार दिली. त्यांनी दिलेल्या तक्रारीवरून रविवारी दि. २७ ऑक्टोबर रोजी दुपारी ४ वाजता एमआयडीसी पोलीस ठाण्यात गुन्हा दाखल करण्यात आला. पुढील तपास पोहेकॉ दत्तात्रय बडगुजर हे करीत आहे.
