जामनेर तालुक्यातील फत्तेपुर येथील घटना
जामनेर (प्रतिनिधी) :- तालुक्यातील फत्तेपूर पोलिस ठाण्याच्या आवारात मारहाण व शिवीगाळ करणाऱ्या पिंपळगाव चौखंबे येथील ७ जणांविरुद्ध गुन्हा दाखल करण्यात आला आहे.
पोलिस हवालदार दीपक निनू तेली हे देऊळगाव गुजरी येथील तक्रार ऐकत असताना संजय पवार, शिवाजी पवार यांच्यासह ७ जण बुधवारी दुपारी तक्रार देण्यासाठी आले. त्यांनी एकमेकांना मारहाण व शिवीगाळ करण्यास सुरुवात केली. प्रवीण चौधरी, सचिन पाटील, मुकेश पाटील, विनोद पाटील आदींनी त्यांचे भांडण मिटवून पोलिसांसमोर हजर केले.
