एरंडोल तालुक्यातील आडगाव येथील घटना
एरंडोल (प्रतिनिधी) :- गेल्या तीन दिवसापासून सुरु असलेल्या पावसामुळे तालुक्यातील आडगाव परिसरात रावसाहेब भिकन पाटील यांच्या घराची भिंत कोसळली. त्यात घरातील महिला सुनीता रावसाहेब पाटील या जखमी झाल्या असून त्यांच्यावर आरोग्य विभागात उपचार करण्यात आले. सदर घराची पाहणी गावाचे तलाठी मोरे यांच्याकडून करण्यात आली.
मोठ्या प्रमाणात पडणाऱ्या पावसामुळे मातीची घरे कोसळत असून मातीच्या घरांचे नुकसान होत आहे. गावातील खालच्या गल्लीत घरांमध्ये पाणी घुसेल इतके पाणी वाहत होते. पडक्या घरांचे व पिकांचे पंचनामे करण्याची मागणी ग्रामस्थ यांनी तहसीलदारांकडे, ग्रामस्थांच्या वतीने निवेदनद्वारे सादर केली आहे. त्याची लवकर पूर्तता करण्याची मागणी ग्रामस्थांकडून केली जात आहे.
