यावल पोलीस स्टेशनची कारवाई
यावल (प्रतिनिधी) : तालुक्यातील चुंचाळे येथील एका १७ वर्षीय अल्पवयीन मुलाला रविवारी रात्री यावल येथील फैजपूर रोड रस्त्यावर तलवार बाळगल्याप्रकरणी ताब्यात घेतले आहे. त्याच्याकडून तलवार जप्त करण्यात आली. यावल पोलिसात गुन्हा दाखल करण्यात आला.
हा अल्पवयीन मुलगा रविवारी रात्री यावल येथे आला होता. फैजपूर रस्त्यावर एका पेट्रोल पंपाजवळ त्याच्याकडे तलवार असल्याची माहिती पोलिसांना मिळाली. पोलिस उपनिरीक्षक सोपान गोरे, हवालदार मुस्तफा तडवी, वसीम तडवी हे पथकासह गेले आणि त्यांनी त्याच्याकडून तलवार जप्त केली. दरम्यान या अल्पवयीन तरुणाकडे तलवार कशी आली व त्याचा काय उद्देश होता याचा पोलीस तपास करीत आहे.
