जामनेर तालुक्यातील गारखेडा येथील घटना
जळगाव (प्रतिनिधी) : घराजवळ काम करीत असताना तरुणाला डाव्या हाताला नागाने दंश केल्यामुळे त्याचा मृत्यू झाल्याची धक्कादायक घटना शुक्रवार दि. १३ सप्टेंबर रोजी रात्री ८ वाजेच्या सुमारास घडली आहे. याप्रकरणी जिल्हा पेठ पोलीस स्टेशनला प्राथमिक नोंद घेण्याचे काम सुरू होते.
राजू संतोष गायकवाड (वय २७, रा. गारखेडा ता. जामनेर) असे मयत तरुणाचे नाव आहे. तो गारखेडा येथे शेती काम करून परिवाराचा उदरनिर्वाह करतो. त्याच्या पश्चात आई, भाऊ, पत्नी, दोन मुलं असा परिवार आहे. (केसीएन)शुक्रवारी दि. १३ सप्टेंबर रोजी संध्याकाळी ६ वाजेच्या सुमारास घराजवळ तो काम करीत असताना त्याला विषारी सापाने चावा घेतला. कुटुंबीयांनी त्याला जामनेर उपजिल्हा रुग्णालयात आणले.
त्यानंतर पुढील उपचारासाठी जळगाव येथील शासकीय वैद्यकीय महाविद्यालय व रुग्णालयात दाखल केले असता त्या ठिकाणी वैद्यकीय अधिकारी डॉ. निखिल तायडे यांनी तपासून मयत घोषित केले. यावेळी कुटुंबीयांनी एकच आक्रोश केला.(केसीएन)दरम्यान घरातील कर्ता पुरुष दगावल्यामुळे गायकवाड परिवारावर मोठा दुःखाचा डोंगर कोसळला आहे. गारखेडा येथे शोककळा पसरली असून डाव्या हातावर असलेल्या चाव्यावरून तो नाग जातीचा साप असावा अशी माहिती सर्पतज्ज्ञ राजेश सोनवणे यांनी दिली.
