जिल्ह्यातील १५ शिक्षकांची नावे जाहिर
जळगाव (प्रतिनिधी) : येथील जिल्हा परिषदेतील प्राथमिक शिक्षण विभागाचे शिक्षणाधिकारी विकास पाटील यांनी शिक्षकदिनाच्या पार्श्वभूमीवर जिल्ह्यातील निवड झालेल्या १५ शिक्षकांची यादी जाहिर केली आहे. त्यांना गुरुवारी दि. ५ सप्टेंबर रोजी वा. वि. गंधे सभागृहात मान्यवरांच्या हस्ते आदर्श शिक्षक पुरस्कार देऊन गौरविण्यात येणार आहे.
जिल्हा परिषदेच्या मुख्य कार्यकारी अधिकाऱ्यांनी विभागीय आयुक्तांकडे प्रस्ताव पाठविलेले होते. त्यानुसार विभागीय आयुक्तांनी पुरस्कारप्राप्त शिक्षकांची नावे जाहिर केली आहे. (केजीएन)या शिक्षकांना गुरुवारी दि. ५ सप्टेंबर रोजी सकाळी ११ वाजता ला.ना.विद्यालयातील वा. वि. गंधे सभागृहात मान्यवरांच्या हस्ते सन्मानित केले जाणार आहे.
पुरस्कारप्राप्त शिक्षक
ज्ञानेश्वर भाईदास कुंवर (जि. प. शाळा जळोद ता. अमळनेर), जितेंद्र प्रल्हाद पाटील (जि. प. शाळा क्रमांक २ भडगाव), अजय रमेश वाघोदे (जि. प. शाळा हरणखेड ता. बोदवड), संदीप कडू पाटील (जि. प. शाळा सावतर निंभोरा ता. भुसावळ), संजय धुडकु मोरे (जि. प. शाळा उपखेड ता. चाळीसगाव), प्रवीण शांताराम माळी (जि. प. शाळा अजंटीसीम ता. चोपडा), दिलीप जुलाल कुंभार (जि. प. शाळा भोणे ता. धरणगाव), हरचंद राघो महाजन (जि. प. शाळा सावदे प्र. चा. ता. एरंडोल), किरण मुरलीधर सपकाळे (जि. प. शाळा सावखेडा खुर्द ता. जळगाव), (केजीएन)संदीप मधुकर सोनार (जि. प. शाळा टाकळी बुद्रुक ता. जामनेर), सुनील रामदास आढागळे (जि. प. कन्या शाळा मुक्ताईनगर), पुष्पलता आनंदराव पाटील (जि. प. शाळा कृष्णराव नगर ता. पाचोरा), संजय संतोष पाटील (सार्वे बु. ता. पारोळा), जितेंद्र डिगंबर पाटील (जि. प. शाळा मोरगाव खुर्द ता. रावेर), दीपक वसंतराव चव्हाण (जि. प. शाळा शिरसाड ता. यावल).
