चाळीसगाव तालुक्यातील मेहुणबारेजवळ घटना
चाळीसगाव (प्रतिनिधी) : धुळे – चाळीसगाव महामार्गावर शनि शिंगणापूर येथे दर्शनासाठी जाणाऱ्या मध्यप्रदेशातील भाविकांची तवेरा गाडी तालुक्यातील मेहुणबारे गावाजवळ आली असता नवीन झालेल्या बायपासवर डिव्हायडरला धडकून अपघात झाला. या भीषण अपघातात १४ वर्षाचा बालकाच्या डोक्याला गंभीर मार लागल्याने मृत्यू झाला. तर ४ जण जखमी झाले आहेत. हि घटना शुक्रवारी दि. २३ रोजी रात्री घडली असून याप्रकरणी मेहुणबारे पोलीस स्टेशनला गुन्हां दाखल करण्यात आला आहे.
मध्यप्रदेशातील काही प्रवासी (एम पी. १३ झेडके ०५३) या तवेरा वाहनातून धुळ्याकडून चाळीसगावमार्गे शनिशिंगणापूर येथे दर्शनासाठी जात होते. चालकाचे नियंत्रण सुटल्याने वाहन रस्त्यांच्या डिव्हायडरला जोरदार धडकले. ही धडक इतकी जोरदार होती की तवेरा उलटून पुन्हा उभी राहीली. यावेळी वाहनातील प्रवासी वाहनाबाहेर फेकले गेले. यात १४ वर्षीय भावेश मेहता या बालकाच्या डोक्याला गंभीर मार लागल्याने रुग्णालयात नेतांनाच त्याचा मृत्यु झाला. तर लक्ष्मणसिंग गुजर (४५), अनिल मेहता (५०), मांगीलाल गुजर (४५) व राकेश कोरवाल (३८) हे चौघे जखमी झाले. याप्रकरणी मेहुणबारे पोलीस स्टेशनला गुन्हा दाखल करण्यात आला आहे.
