भडगाव तालुक्यातील पिचर्डे येथील घटना ; सलग दुसऱ्या हत्येने जिल्हा हादरला !
भडगाव (प्रतिनिधी ) ;- खळ्यात असणाऱ्या मोकळ्या जागेत झोपलेल्या लहान भावावर झोपेतच कुऱ्हाडीने सपासप वार करून त्याला संपविल्याची धक्कदायक घटना भडगाव तालुक्यातील पिचर्डे येथे आज सकाळी उघडकीस आल्याने प्रचंड खळबळ उडाली आहे . विठ्ठल आनंदा पाटील (वय ५० ) असे ठार झालेल्या भावाचे नाव आहे .
सलग खुनाच्या दुसऱ्या घटनेमुळे जिल्हा हादरला आहे. एरंडोल तालुक्यातीलसावदे गावात शनिवारी मध्यरात्री मोठ्या भावाने लहान भावाच्या डोक्यात शिंगाडे घालून हत्या केल्याचा प्रकार रविवारी सकाळी उघडकीस आला असतांना आज सोमवार १२ रोजी या घटनेची पुनरावृत्ती झाल्याचा प्रकार भडगाव तालुक्यात घडल्याने खळबळ माजली आहे.
याबाबत सूत्रांनी दिलेली महिती अशी कि, भडगाव तालुक्यातील पिचर्डे विठ्ठल आनंदा पाटील हे हे रात्री खळयातील मोकळया जागेत झोपलेले असताना त्यांचा मोठा भाऊ अभिमन आनंदा पाटील याने आपल्या लहान भावाची हत्या केल्यानंतर गुपचूप घरी जाऊन झोपला . सकाळी मयताच्या लहान भाऊ खळयात गेल्यावर त्यांना विठ्ठल आनंदा पाटील मृतव्यवस्थेत आढळले असता त्यांनी लागलीच पोलिस पाटलांना ही माहिती दिली. पोलिस पाटील यांनी भडगाव पोलिस स्टेशनला कळवले व त्यानंतर भडगाव पोलिस पथक घटनास्थळी दाखल झाले. त्यांनी तपास सुरू केल्यानंतर मोठया भावावर संशय आल्याने त्याला ताब्यात घेण्यात आले. पोलिसांनी पोलिसी खाक्या दाखविताच आरोपीने हत्येची कबुली दिली.
भडगाव पोलिसांनी रुग्णवाहीकेसह घटनेस्थळी धाव घेत हत्या प्रकरणात वापरलेले हत्यार व आरोपीस देखील ताब्यात घेतले असून, मृतदेह भडगाव ग्रामीण रुग्णालय येथे आणण्यात आला . , यावेळी पोलिस उपअधीक्षक अभयसिंग देशमुख ,पोलिस निरीक्षक पवार यांनी घटनास्थळी भेट दिली. या घटनेचा पुढील तपास पीएसआय डोमाळे यांच्या मार्ग दर्शनाखाली भडगाव पोलीस करीत आहेत.दरम्यान मयत विठ्ठल आनंदा पाटील यांच्या पश्चात पत्नी, दोन मुली असा परिवार आहे.
