धरणगाव तालुक्यातील रोटवद येथील घटना
धरणगाव (प्रतिनिधी) : तालुक्यातील रोटवद गावात कर्जबाजारी असलेल्या शेतकऱ्याने आत्महत्या केल्याची घटना घडली. या प्रकरणी धरणगाव पोलीस स्टेशनला अकस्मात मृत्यूची नोंद करण्यात आली आहे.
तालुक्यातील रोटवद येथील रहिवासी नीलेश जिजाबराव पाटील (वय ३७) या शेतकऱ्याने विहिरीत उडी घेत आत्महत्या केली. त्यांच्यावर सावकारी व सोसायटी कर्ज होते, यातच नापिकीमुळे त्यांनी आत्महत्या केल्याचे सांगण्यात आले. याबाबत धरणगाव पोलीस ठाण्यात अकस्मात मृत्यूची नोंद करण्यात आली आहे. दरम्यान या घटनेमुळे सर्वत्र हळहळ व्यक्त करण्यात येत आहे.
