चोपडा शहरातील घटना
चोपडा (प्रतिनिधी) : संतधार पावसाने दि. ५ आगस्ट रोजी मध्यरात्री माजी विधानसभा अध्यक्ष अरुणभाई गुजराथी यांचे जुने घर कोसळले आहे. या घरात कोणीही राहत नसल्यामुळे कुठलीही अप्रिय घटना घडली नाही.
सोमवारी मध्यरात्री १ ते २ च्या सुमारास महादेव मंदिराच्या समोरील ७० ते ७५ वर्ष जुने बांधकाम असलेले तीन मजली इमारत जीर्ण झालेली असल्याने अचानक जमीनदोस्त झाली. या जुन्या घरात आता मात्र कोणाचे ही वास्तव्य नव्हते. पंरतु दिवसा या घरात ये-जा सुरू असते. येणारे- जाणारे पादचारी व मंदिरात दर्शनासाठी आलेला भाविक हे सहज माजी विधानसभा अध्यक्ष अरुणभाई गुजराथी यांच्या जुन्या घराच्या ओट्यावर बसून राहत होते. त्यामुळे दिवसा ही घटना झाली असती तर विपरीत घडलं असते. परंतु रात्री ही घटना झाल्याने मात्र कोणतेही हानी झाली नाही. जवळपास ७० ते ७५ वर्ष जुने घर होते.
