भुसावळ रोडवरील गोदावरी कॉलेज समोरील घटना
जळगाव (प्रतिनिधी) : शहरातील गोदावरी इंजिनिअरींग कॉलेजसमोर भरधाव वेगाने येणाऱ्या अज्ञात वाहनाने धडक दिल्याची घटना सोमवारी ८ जुलै रोजी सकाळी ७ वाजता घडली. यात जखमी झालेल्या दुचाकीस्वाराचा शासकीय वैद्यकीय महाविद्यालयात सायंकाळी ५ वाजता उपचारादरम्यान मृत्यू झाला आहे. याबाबत एमआयडीसी पोलीसात अकस्मात मृत्यूची नोंद करण्यात आली आहे.
खलील शेख मणियार (वय-४५ रा. वराडसीम ता. भुसावळ) असे मयत दुचाकीस्वाराचे नाव आहे. वराडसीम गावात खलील मणियार हे पत्नी व दोन मुले यांच्यासह राहत होते. (केसीएन)भाजीपाला विक्री करून ते आपला उदरनिर्वाह करत होते. सोमवारी ८ जुलै रोजी सकाळी ७ वाजेच्या सुमारास ते दुचाकीने जळगाव शहरातील गोदावरी इंजिनिअरींग कॉलेजजवळून दुचाकीने जात असतांना भरधाव वेगाने येणाऱ्या अज्ञात वाहनाने त्यांच्या दुचाकीला जोरदार धडक दिली.
यात ते गंभीर जखमी झाले. त्यांना खासगी वाहनाने शासकीय वैद्यकीय महाविद्यालय व रूग्णालयात उपचारार्थ दाखल करण्यात आले होते. त्यांच्यावर उपचार सुरू असतांना सायंकाळी ५ वाजता मृत्यू झाला. याबाबत एमआयडीसी पोलीसात अकस्मात मृत्यूची नोंद करण्यात आली आहे. पुढील तपास पोलीस नाईक पंकज पाटील हे करीत आहे.
