जळगाव (प्रतिनिधी) : जळगाव जिल्हा पोलीस घटकात एकूण १३७ पोलीस शिपाई पदाकरीता शाररिक व मैदानी चाचणी प्रक्रिया पुर्ण झालेली आहे. त्याअनुषंगाने पोलीस शिपाई भरतीची लेखी परिक्षेकरीता पात्र उमेदवारांची यादी जळगाव जिल्हा पोलीस दलाचे वेबसाईट (https://jalgaonpolice.gov.in ) वर प्रसिध्द करण्यात आलेली आहे. ही परीक्षा रविवारी दिनांक ७ जुलै रोजी सकाळी ९ वाजता होणार आहे.
सर्व पात्र उमेदवारांना लेखी परिक्षेबाबत कळविण्यात आलेले आहे, अशी माहिती पोलीस अधीक्षक महेश्वर रेड्डी यांनी दिली आहे. जळगाव पोलीस शिपाई भरती २०२२-२३ लेखी परिक्षा दिनांक ०७ जुलै रोजी सकाळी ९ ते १०:३० वाजेदरम्यान जळगाव शहरातील मुळजी जेठा महाविदयालय येथे होणार आहे. जळगाव पोलीस शिपाई भरती पात्र उमेदवारांनी ०७ जुलै रोजी सकाळी ०८:०० वाजता लेखी परिक्षेकरीता उपस्थित रहावे.
परिक्षा करीता लेखन साहित्य परिक्षा केंद्रवर उपलब्ध करुन देण्यात येणार असुन उमेदवारांनी मोबाईल तथा कोणतेही इलेक्ट्रॉनिक (डिवाईस) व इतर साहित्य सोबत आणू नये. उमेदवारांनी फक्त महाआयटीकडील लेखी परिक्षा प्रवेश पत्रसह, स्वतःचे आधारकार्ड व जळगाव पोलीस घटकाचे ओळखपत्र सोबत आणावे, असे पोलीस अधीक्षक महेश्वर रेड्डी यांनी प्रसिध्दीपत्रकान्वये कळविले आहे.
