जळगाव शहरातील मेहरूण परिसरातील घटना
जळगाव (प्रतिनिधी) : शहरातील मेहरूण परिसरातील उद्यानात गांजाचा नशा करणाऱ्या तीन जणांवर एमआयडीसी पोलिसांनी मंगळवारी दि. २५ जून रोजी दुपारी ४ वाजता कारवाई केली आहे. याप्रकरणी एमआयडीसी पोलीस ठाण्यात रात्री तिघांवर वेगवेगळे तीन गुन्हे दाखल करण्यात आले आहे.
शहरातील मेहरूण परिसरातील उद्यानात वेगवेगळ्या ठिकाणी तीन जण हे गांजा हा चिलमच्या माध्यमातून नशा करत असल्याची गोपनीय माहिती एमआयडीसी पोलिसांना मिळाली. त्यानुसार पथकाने मंगळवारी २५ जून रोजी दुपारी ४ वाजता धडक कारवाई केली. या कारवाईत संशयित आरोपी शेख मशरूम शेख अब्दुल कादिर (वय-४२, रा. गवळीवाडा,जळगाव), वसीम शेख तलत मेहबूब (वय-३९ रा. शनिपेठ, जळगाव) आणि फैयाज शेख शमशोद्दीन (वय-३६ रा. तांबापुरा, जळगाव) या तिघांवर कारवाई केली आहे. त्यांच्याकडून नशा करणारे साहित्य पोलिसांनी जप्त केले आहे. याप्रकरणी रात्री ८ वाजता एमआयडीसी पोलीस ठाण्यात ३ वेगवेगळे गुन्हे दाखल करण्यात आले आहे. या घटनेचा पुढील तपास पोहेकॉ सचिन पाटील, रामकृष्ण पाटील हे करीत आहे.
