पाचोरा येथे संस्थेतर्फे करण्यात आला सन्मान
पाचोरा (प्रतिनिधी) : शिक्षकांनी व्यासंगी, बहुआयामी व ज्ञाननिष्ठ असावं. दर्जेदार शिक्षण देऊन अध्यापन केल्यास गुणवत्तापूर्ण विद्यार्थी घडतात तेच प्रा. राजेंद्र चिंचोले यांनी केलं असे गौरवोद्गार शिक्षण मंडळाचे चेअरमन तथा नाशिक विभागाचे शिक्षण उपसंचालक डॉ बी. बी. चव्हाण यांनी प्रा राजेंद्र चिंचोले यांच्या सेवापूर्ती सोहळ्यानिमित्त आयोजित कार्यक्रमात बोलताना व्यक्त केले.
ग्रामविकास शिक्षण मंडळ पिंपळगाव हरेश्वर यांचेतर्फे स्पर्धा परीक्षा मार्गदर्शक तथा भौतिकशास्त्राचे सेवानिवृत्त प्राध्यापक राजेंद्र चिंचोले यांचा सेवापूर्ती सत्कार सोहळा ग्राम विकास विद्यालयात आयोजित करण्यात आला होता. यावेळी कार्यक्रमाचे अध्यक्ष माजी आ. दिलीप वाघ, शिक्षण उपसंचालक डॉ बी. बी. चव्हाण, मराठी विश्वकोश मंडळाचे सचिव शामकांत देवरे,दीपस्तंभचे संचालक यजुवेंद्र महाजन, अमोल शिंदे, पिटीसी चेअरमन संजय वाघ, निर्मल स्कूलच्या संचालिका वैशाली सूर्यवंशी, पाचोरा कृषी उत्पन्न बाजार समिती सभापती गणेश पाटील, माजी नगराध्यक्ष संजय गोहिल, व्ही.टी. जोशी , डॉ बी एन पाटील, उपनगराध्यक्ष शरद पाटे, मधु काटे ,उद्धव मराठे, नितीन तावडे ,देविदास महाजन, पी एस पाटील, ए. एस. जाधव, एस. टी. गीते, ग्रामविकास संस्थेचे अध्यक्ष पी बी पाटील, चिटणीस एस व्ही गीते, संस्थेचे मुख्याध्यापक पी एस महाजन, ग्रामविकास शिक्षण मंडळाचे आजी-माजी संचालक शिक्षक शिक्षकेतर कर्मचारी प्रा चिंचोले सरांच्या पत्नी सविता चिंचोले आई प्रमिला चिंचोले यांच्यासह परिवार उपस्थित होता.
प्रा राजेंद्र चिंचोले यांच्यासारखे व्यक्तिमत्व इतर शिक्षकांनी अंगीकारावे असे आवाहन अध्यक्षीय भाषणात दिलीप वाघ यांनी व्यक्त केले. सत्काराला उत्तर देताना प्राध्यापक राजेंद्र चिंचोले यांनी, ग्राम विकास मंडळ व पिंपळगाव हरेश्वर पंचक्रोशीतील नागरिकांनी दिलेल्या प्रेमाबद्दल सद्भावना व्यक्त केली. यापुढेही माझे कार्य करिअर व स्पर्धा परीक्षा मार्गदर्शन विनामूल्य अविरत सुरू राहील असा निश्चय व्यक्त केला. सूत्रसंचालन संदीप पाटील व अभिजीत पाटील यांनी केले. आभार प्रदर्शन मनोज बडगुजर यांनी केले
