अमळनेर तालुक्यातील घटना
अमळनेर (प्रतिनिधी) : तालुक्यातील बाम्हणे येथील ४१ वर्षीय इसमाचा मृतदेह कळंबु गावाजवळील बोगद्याजवळ रेल्वे रुळावर आढळून आल्याची घटना शुक्रवारी दि. १७ मे रोजी सकाळी ११ वाजता उघडकीला आली आहे. याप्रकरणी मारवड पोलीस ठाण्यात अकस्मात मृत्यूची नोंद करण्यात आली आहे.
दगडू बारीकराव पाटील (वय ४१, रा. बाम्हणे ता. अमळनेर) असे मयत इसमाचे नाव आहे. त्यांचा मृतदेह दि. १७ रोजी सकाळी ११ वाजता तालुक्यातील कळंबु गावाजवळील रेल्वे रुळावर पोल क्र. २३१च्या १ आणि ३ च्या दरम्यान आढळून आला. खिश्यात असलेल्या मोबाइलवरून त्यांची ओळख पटली. स्टेशन मास्टर यांनी मारवड पोलिसांत खबर दिली असून अकस्मात मृत्यूची नोंद करण्यात आली आहे. पुढील तपास हेकों भरत श्रीराम इशी हे करीत आहेत.
