रावेर तालुक्यात रोझोदा येथे घेतले हजारो भाविकांनी दर्शन
चंद्रकांत कोळी
रावेर (प्रतिनिधी) :- रावेर, यावल आणि मध्य प्रदेशातील भाविकांचे श्रद्धास्थान असलेल्या रोझोद्याचे कामसिद्ध देवस्थानाची गेल्या च्यार दिवसा पासून यात्रा सुरू
होत असून त्याची सांगता होत आहे. या यात्रेत अनेक धार्मिक कार्यक्रमाचे आयोजन करण्यात आले होते. प्रामुख्याने यात्रेच्या पहिल्या दिवशी महाराजांची स्वारी येते तेव्हा या भागातील शेतकरी, जनता, शेतमजुर, कामगार महाराजांना पिके-पाणी, पावसाळा या वर्षी कसा होईल असे भाकीत विचारतात.
कामसिद्ध मंदीर हे रोझोदा गावाचे ग्राम दैवत आहे. या भागातील आणि परिसरातीत जनतेची इच्छा पुर्ण होत असल्याने हजारोच्या संखेने भाविक येथे येतात व देवासमोर नतमस्तक होतात. सतत चार दिवस चालत असलेल्या या यात्रेत अनेक मान व नवस फेडण्यासाठी खुपच गर्दी उसळत असते. त्यात प्रामुख्याने
लाडु तुला, रोडग्यांचा मान वगैरे मोठ्या भक्ती भावाने फेडले जातात. तसेच पुढच्या वर्षी मनातील मानलेली इच्छा पूर्ण झाली तर नवस फेडतात. धाडी आणि चिडी या दोनही नद्यांच्या संगमावर वसलेले हे कामसिद्ध मंदीर या भागातील जनतेचे श्रद्धा स्थान बनलेले आहे.
