पारोळा तालुक्यातील घटना
पारोळा (प्रतिनिधी) :- कजगाव रोडवरील पाटील कॉलेजजवळ समोरून येणाऱ्या क्रुझरने जोरदार धडक दिल्याने दुचाकीला जोरदार धडक दिल्याने दुचाकीस्वार जागीच ठार झाल्याची घटना घडली होती. या घटनेप्रकरणी पारोळा पोलीस ठाण्यात क्रुझरवरील अज्ञात चालकावर गुन्हा दाखल करण्यात आला.
महेश राजेंद्र जावरे (वय २४ रा. दिगर ता. पारोळा) असे मयत झालेल्या तरुणाचे नाव आहे. पारोळा ते कजगाव रोडवरील डी.पी. पाटील कॉलेज समोरून महेश दुचाकी (एमएच १९ बीयू २२०३) ने पारोळा कडून कजगावकडे जात असताना समोरून येणाऱ्या क्रुझर क्रमांक (एमएच ११ बीएच ४१६६) ने जोरदार धडक दिली. या धडकेत दुचाकीस्वार महेश जावरे याचा जागीच मृत्यू झाला. दरम्यान ही घटना घडल्यानंतर क्रुझर चालक वाहन घेऊन पसार झाला होता. या घटने प्रकरणी अखेर बुधवारी ६ डिसेंबर रोजी पारोळा पोलीस ठाण्यात गुन्हा दाखल करण्यात आला आहे. पुढील तपास पोलीस हेड कॉन्स्टेबल प्रवीण पारधी करीत आहे.
