जामनेर तालुक्यातील पहुर येथील घटना
जामनेर (प्रतिनिधी) :- तालुक्यातील पहुर येथे विजेचा धक्का लागल्याने तरुणाचा दुर्दैवी मृत्यू झाला. ही घटना बुधवार, २२ नोव्हेंबर रोजी सकाळी घडली. प्लग आणि वायर यांची जोडणी करत असताना विजेचा शॉक लागल्याने दीपक सुरेश वारुळे या तरुणाचा मृत्यू झाला.
शिवनगर भागात राहणार्या दीपक सुरेश वारुळे हा तरुण प्लग आणि वायर यांची जोडणी करत असताना ही घटना घडली. त्यात त्याची शुद्ध हरपली. शेजारील रहिवाशांनी त्यास तातडीने उपचारार्थ पहूर ग्रामीण रुग्णालयात हलविले.
रुग्णालयात डॉ.नजमुद्दीन तडवी, डॉ.रुपाली पाटील यांनी त्याला वाचवण्यासाठी शर्थीचे प्रयत्न केले. उपचारासाठी जळगावला नेत असताना वाटेतच त्याची प्राणज्योत मालवली. ग्रामीण रुग्णालयात शवविच्छेदन करण्यात येवून शोकाकुल वातावरणात अंत्यसंस्कार करण्यात आले. तरुणाच्या पश्चात आई व विवाहित बहिण आहे. याप्रकरणी पहूर पोलिसात अकस्मात मृत्यूची नोंद करण्यात आली.