एमआयडीसी परिसरातील घटना
जळगाव (प्रतिनिधी) :- शहरातील औरंगाबाद महामार्गावर चौकातील महामार्गावरील भरधाव वेगाने येणाऱ्या मालवाहू टेम्पो वाहनाने जोरदार धडक दिल्याने दुचाकीस्वार गंभीर जखमी झाल्याची घटना बुधवार ८ नोव्हेंबर रोजी दुपारी २ वाजेच्या सुमारास घडली. याप्रकरणी एमआयडीसी पोलीस ठाण्यात अज्ञात वाहनधारकावर गुन्हा दाखल करण्यात आला आहे.
मिर्झा वसीम बेग मोहमुद बेग (वय-४०,रा. सुप्रिम कॉलनी, जळगाव) हे आपल्या परिवारासह वास्तव्याला आहे. बुधवार ८ नोव्हेंबर रोजी दुपारी २ वाजता ते दुचाकी (एमएच १९ सीबी ४१८६) ने घरी जाण्यासाठी निघाले. शहरातील एमआयडीसी परिसरात दुचाकीने जात असतांना समोरून मालवाहू टेम्पो क्रमांक (एमएच १९ सीवाय ४००) ने जोरदार धडक दिली. या धडकेत मिर्झा बेग हे जखमी होवून पायाला गंभीर दुखापत झाली आहे. तसेच दुचाकीचेही मोठे नुकसान झाले आहे. याप्रकरणी गुरूवारी ९ नोव्हेंबर रोजी दुपारी साडेबारा वाजता एमआयडीसी पोलीस ठाण्यात धाव घेवून तक्रार दिली. त्यानुसार वाहनावरील अज्ञात चालकाविरोधात गुन्हा दाखल करण्यात आला आहे. पुढील तपास सहाय्यक पोलीस उपनिरीक्षक विजय पाटील करीत आहे.
