मुक्ताईनगर तालुक्यातील भीषण घटना, चौघे जखमी
मुक्ताईनगर (प्रतिनिधी) – मुक्ताईनगरजवळ विचित्र अपघात झाल्याने दोन तरुण ठार झाले असून ५ ते ६ जण जखमी झाले आहे. पूर्णाड येथील तरुणाने आत्महत्या केल्याने त्याला पाहण्यासाठी मुक्ताईनगर उपजिल्हा रुग्णालयात आलेल्या पूर्णाड गावातीलच दोघांचा अपघात मृत्यू झाला आहे. याप्रकरणी मुक्ताईनगर पोलीस स्टेशनला घटनेची नोंद घेण्याचे काम सुरु होते.
तालुक्यातील पूर्णाड येथील दीपक अशोक इंगळे यांनी आत्महत्या केल्यामुळे त्यांना उपजिल्हा रुग्णाल,य मुक्ताईनगर येथे आणण्यात आलेले होते. त्यांना बघून पूर्णाड गावी परतत असताना रोहित मुकेश गाढे (वय १९, रा. पूर्णाड ता. मुक्ताईनगर) आणि प्रदीप छगन वाघ (वय २८, रा. पूर्णाड ता. मुक्ताईनगर) यांचा समोरून येणाऱ्या कारला धडक बसली. कमलेश सुभाष पाटोळे, लिलाबाई सुभाष पाटोळे, मनीषा सुभाष पाटोळे (सर्व रा. चांगदेव ता. मुक्ताईनगर) हे कारमधील जखमी झाले.
दरम्यान या अपघातामुळे कारपाठोपाठ येणाऱ्या दोन दुचाकी सुद्धा या गाड्यांवर आदळल्यामुळे विचित्र अपघात होऊन त्यामध्ये अशोक गंगाराम सावळे (पातोंडी ता. रावेर) हे सुद्धा गंभीर जखमी झालेले आहे. अपघाताची माहिती मिळताच मुक्ताईनगरचे आमदार चंद्रकांत पाटील यांनी तात्काळ उपजिल्हा रुग्णालय गाठत जखमींना प्रथमोपचार करून तात्काळ जळगाव जिल्हा रुग्णालय येथे पुढील उपचारासाठी रवाना केले. तसेच राष्ट्रवादीच्या महिला प्रदेशाध्यक्ष रोहिणीताई खडसे यांनी उपजिल्हा रुग्णालयात जखमी रुग्णाची भेट घेतली.
त्यावेळी मुक्ताईनगर उपजिल्हा रुग्णालयात अपघाताची माहिती मिळताच नातेवाईक तसेच नागरिकांनी गर्दी केल्यामुळे मुक्ताईनगरचे पोलीस निरीक्षक नागेश मोहिते आणि पोलीस प्रशासनातील कर्मचाऱ्यांनी धाव घेतली. एकाच गावातील आधी एकाने आत्महत्या केल्यामुळे आणि अपघातात दोघांचा मृत्यू झाला. त्यामुळे पूर्णाड गावावर शोककळा पसरली आहे.