मंत्री गिरीश महाजन यांचा नाशकात गौप्यस्फोट
नाशिक (प्रतिनिधी) – राज्यातील भारतीय जनता पक्षाचे नेते तथा ग्रामविकास मंत्री गिरीश महाजन यांनी राष्ट्रवादी काँग्रेसचे अध्यक्ष शरद पवार यांच्याबाबत मोठा दावा केला आहे. २०१९ साली शरद पवार यांनी दिल्लीत भाजपाबरोबर ४ वेळा बैठका घेतल्या. पण, ऐनवेळी आम्हाला गाफील ठेवून घात केला, असा गौप्यस्फोट गिरीश महाजन यांनी केला आहे. ते नाशिकमध्ये प्रसारमाध्यमांशी बोलत होते.
गिरीश महाजन पुढे म्हणाले, २०१४ ते २०१९ दरम्यान शरद पवार यांनी आम्हाला पाठिंबा दिला होता. ‘तुम्ही काळजी करू नका, मी तुमच्या पाठिशी आहे’ असं शरद पवारांनी सांगितलं होतं. २०१९ च्या विधानसभा निवडणुकीनंतर शरद पवारांनी दिल्लीत भाजपाबरोबर ४ वेळा बैठका घेतल्या.बैठकांमध्ये सगळं ठरलं होतं. शरद पवार यांची आमच्याबरोबर चर्चा सुरू होती. मात्र, ऐनवेळी आम्हाला गाफील ठेवून शरद पवारांनी घात केला,” असं गिरीश महाजन यांनी म्हटलं.
