जळगाव (प्रतिनिधी) – येथील शिवाजीनगर परिसरातील राजमालती नगर मध्ये जगद्गुरु संत रोहिदास महाराज समाज मंदिर येथे माजी महापौर विष्णू भंगाळे यांच्या हस्ते महाआरती करण्यात आली. यावेळी विविध मान्यवरांसह कार्यकर्ते उपस्थित होते.
माजी महापौर विष्णू भंगाळे यांनी प्रथमच संत रोहिदास समाज मंदिर येथे भेट दिली. त्यांचे स्वागत अध्यक्ष किशोर धोरे यांनी केले. यावेळी विष्णू भंगाळे यांनी महाआरती करून संत रोहिदास महाराजांना वंदन केले. प्रसंगी संत रोहिदास महाराजांचे कार्य समाजबांधवांनी पुढे न्यावे, अशी अपेक्षा विष्णू भंगाळे यांनी व्यक्त केली. यावेळी प्रामुख्याने उपाध्यक्ष विजय खजुरे, सचिव दीपक मेथे, खजिनदार विजय अहिरे, समाजसेवक गौरव बडगुजर उपस्थित होते.
यानंतर विष्णू भंगाळे यांनी समाजमंदिराविषयी माहिती जाणून घेतली. प्रसंगी शरद गायकवाड, किरण खंडाळे, संतोष परदेशी, दशरथ ठाकरे, राजू मोतिराळे, संतोष धोरे, सुनील वाघ, कैलास भारुळे,संजय अहिरे, छोटू धोरे, बापू सोनवणे, हिम्मतराव मोरे आदींनी सहकार्य केले.
