जळगाव शहरातील रामेश्वर कॉलनीतील घटना
जळगाव (प्रतिनिधी) – शहरातील रामेश्वर कॉलनी परिसरात तरूणीने राहत्या घरात मध्यरात्री ओढणीने गळफास घेवून आत्महत्या केल्याची घटना शुक्रवारी १८ ऑगस्ट रोजी सकाळी उघडकीला आली. याप्रकरणी रामानंदनगर पोलीस ठाण्यात अकस्मात मृत्यूची नोंद करण्यात आली आहे.
शुभांगी बापू अवटे (वय-१८, रा. रामेश्वर कॉलनी, जळगाव) असे मयत तरूणीचे नाव आहे. शुभांगी अवटे ही तरूणी रामेश्वर कॉलनी परिसरात परिवारासह राहायला होती. गुरूवार १७ ऑगस्ट रोजी रात्री परिवारासह जेवण करून मागच्या खोलीत झोपली. मध्यरात्री लोखंडी शिडीच्या मदतीने छताच्या लोखंडी अँगलला ओढणी बांधून गळफास घेत आत्महत्या केली. हा प्रकार शुक्रवारी १८ ऑगस्ट रोजी सकाळी सव्वा सहा वाजेच्या सुमारास लक्षात आला.
त्यांनी शेजारी राहणाऱ्यांच्या मदतीने खाली उतरवून शासकीय वैद्यकीय महाविद्यालय व रुग्णालयात दाखल केले. वैद्यकीय अधिकारी डॉ. निरंजन देशमुख यांनी तिला मयत घोषीत केले. आत्महत्या करण्याचे कारण अद्याप समजू शकले नाही. याबाबत एमआयडीसी पोलीस ठाण्यात अकस्मात मृत्यूची नोंद करण्यात आली आहे. प्राथमिक तपास पोहेकॉ सचिन मुंडे हे करीत आहे.
