जळगाव ( प्रतिनिधी ) – त्वचाविकाराचे विविध प्रकार व आजार असून त्यावर वेळीच उपचार होणे गरजेचे आहे. त्याकरीता डॉ.उल्हास पाटील रुग्णालयात सोमवार दि.१ मे पासून त्वचाविकार शिबिराचे आयोजन करण्यात आले आहे.
त्वचाविकाराच्या सात दिवसीय शिबिरात तज्ञांद्वारे मोफत तपासणी करण्यात येणार आहे. शिबिरात इसब, गजकर्ण, जनाट खाज, कुष्ठरोग, अॅलर्जी तसेच मुरुम, मस, वांग, अंंगावरील पांढरे/काळे डाग, केस गळणे अशा विविध विकारांवर तज्ञांद्वारे तपासणी केली जाणार आहे. सोमवार ते शनिवार सकाळी १० ते २ या वेळेत शिबिर होणार आहे. शिबिरात त्वचा विभाग प्रमुख डॉ.पंकज तळेले यांच्यासह डॉ.दिनेश कुलाळ, डॉ.सागरिका धवाण, चेतना शंकलेचा यांच्याद्वारे तपासणी करण्याची संधी उपलब्ध झाली आहे. नावनोंदणी व अधिक माहितीसाठी डॉ.दिनेश कुलाळ ८४५९३९४८१३ या क्रमांकावर संपर्क साधावा.
