नागपूर (प्रतिनिधी) – चंद्रपूर-गडचिरोली ट्रॅव्हल्स असोसिएशनने आता राज्य सरकारच्या पाऊलावर पाऊल टाकून महिलांना प्रवास तिकिटात ५० टक्के सवलत देण्याचा निर्णय घेतला आहे. महिलावर्गाच्या आनंदात आता आणखी भर पडली आहे. गुढीपाडव्याच्या शूभमुहूर्तावर या निर्णयाची अंमलबजावणीही सुरू केल्याचे असोसिएशनमधील ट्रॅव्हल्स मालकांनी जाहीर केले आहे.
एसटीपाठोपाठ आता चंद्रपूर-गडचिरोली ट्रॅव्हल्स असोसिएशननेही आपल्या खासगी बसमध्ये महिलांना 50 टक्के सूट देण्याचा निर्णय घेतला आहे. काल झालेल्या खासगी ट्रॅव्हल्सच्या मालकांच्या बैठकीत हा निर्णय घेण्यात आला. ट्रॅव्हल्सने ये-जा करणाऱ्या महिला प्रवाशांची संख्या मोठी आहे. संपूर्ण राज्यातील खासगी ट्रॅव्हल्स असा निर्णय घेऊ शकतात. त्यामुळे महिलांना मोठा दिलासा मिळेल, असे चंद्रपूर-गडचिरोली ट्रॅव्हल्स असोसिएशनच्या सदस्यांनी सांगितले.
