यावल ( प्रतिनिधी ) – यावल बसस्थानका आवारातून महाविद्यालयीन विद्यार्थींनींचा पाठलाग करून छेडछाड करण्याच्या प्रयत्नात असलेल्या एकाला ताब्यात घेतले आहे. याप्रकरणी यावल पोलीस स्टेशनला गुन्हा दाखल करण्यात आला आहे.
याबाबत अधिक माहिती अशी की, यावल तालुक्यातील मनवेल येथील काही विद्यार्थ्यींनी ह्या यावल महाविद्यालयात शिक्षणासाठी येत असतात. दररोजी यावल बसस्थानक येथून सर्व विद्यार्थीनी मनवेल येथे बसने जाण्यासाठी येत असतात. बसस्थानक आवारातील पानटपरीजवळ अशोक नानकराम दुधानी रा. भुसावळ हा उभा राहून मनवेल येथील विद्यार्थींनीकडे एक टक पाहत होता. दरम्यान, याकडे विद्यार्थींनींनी दुर्लक्ष केले. तसेच मुली बसमध्ये बसल्यानंतर दुचाकीने बसचा पाठलाग करायला सुरूवात केली. हा प्रकार गावातील एका विद्यार्थींनीच्या लक्षात आले. त्यानंतर त्याने गावातील काही तरूणांकडे महाविद्यालयीन विद्यार्थींनींचा मोबाईल नंबर देखील मिळविण्याचा प्रयत्न केला. हा प्रकार लक्षात आल्यानंतर विद्यार्थींनींनी सकाळी १० वाजता विद्यार्थींनी यावल बसस्थानक येथे आल्यानंतर त्याला जाब विचारला. जास्त मुलांचा घोळका पाहून त्यांनी सदर मुलींची माफी मागितली व त्यांला नागरीकांच्या मदतीने यावल पोलीसांच्या ताब्यात देण्यात आले आहे. याप्रकरणी संशयित आरोपी अशोक नानकराम दुधानी रा. भुसावळ यांच्या विरोधात गुन्हा दाखल करण्यात आला आहे. पुढील तपास सपोनि प्रदीप बोरूळे करीत आहे. यापुर्वी देखील याने याच पध्दतीने मुलींच्या छळ प्रकरणी गुन्हा दाखल करण्यात आलेला आहे.
