जळगाव ( प्रतिनिधी )- शिरसोलीत काळ आयोजित करण्यात आलेल्या हिंदु राष्ट्र-जागृती निमंत्रण प्रसार सभेला स्थानिक ग्रामस्थांसह परिसरातील हिंदुत्ववादी नागरिकांचा उत्स्फूर्त प्रतिसाद मिळाला
रविवारी ( दि : १८ डिसेंबर) सायंकाळी ६ वाजता शिरसोलीतील बाजारपेठ मैदानावर या हिंदु राष्ट्र-जागृती निमंत्रण प्रसार सभेचे आयोजन करण्यात आले होते . शिरसोली गावातील समस्त हिंदुत्ववादी संघटनाच्यावतीने रविवार (२५ डिसेंबर) रोजी होणाऱ्या हिंदु राष्ट्र जागृती सभेच्या प्रचारार्थ निमत्रणं सभेचे आयोजन करण्यात आले आहे .
काल झालेल्या निमंत्रण प्रसार सभेला प्रशांत जुवेकर (जळगाव जिल्ह्याचे हिंदू जनजागृती समन्वयक ) व सौ. क्षिप्रा जुवेकर (सनातन संस्थेच्या अध्यात्म प्रसारक ) व आकाश फडे (शिवप्रतिष्ठान हिंदुस्थानचे जळगाव जिल्ह्याचे प्रमुख) यांनी मार्गदर्शन केले .
या प्रसंगी हिंदू समाजाला अध्यात्म शिक्षणाची गरज असल्याचे या वक्त्यांनी सांगितले. जळगावच्या सभेला सर्व हिंदू बांधवानी उपस्थिती देऊन आपले धर्म कर्तव्य बजावावे असे आवाहन करण्यात आले. या सभेला शिरसोली गावातील ५०० पेक्षा जास्त हिन्दू बांधवांची उपस्थिती लाभली. सभेचे सूत्रसंचालन विजय पाटील यांनी केले.
