फैजपूर, ता. यावल(प्रतिनिधी ) – येथे मधुकर सहकारी साखर कारखान्याजवळ दोन दुचाकींची समोरासमोर धडक होऊन यात दोन युवक जागीच ठार झाल्याची दुर्दैवी घटना घडली असून याप्रकरणी उशिरापर्यंत नोंद करण्याचे काम सुरु होते. सूत्रांनी दिलेली माहिती अशी कि, २९ रोजी सांयकाळी साडेसात वाजेच्या सुमारास भरधाव वेगाने जाणाऱ्या दोन दुचाकींची समोरासमोर धडक झाल्याने या भीषण अपघातात एका दुचाकीवरील अंदाजे ३० वर्षांचा तरूण जागीच ठार झाला. तर धीरज शशिकांत चौधरी (वय२४, रा. आमोदा, ता. यावल) हा गंभीर जखमी झाला.मात्र त्याला रुग्णालयात दाखल केल्यानंतर त्याचा उपचारादरम्यान मृत्यू झाला. या अपघातातील पहिल्या मृत्यू झालेल्या तरुणाची ओळख पटविण्याचे काम सुरु होते.
