तरुणाची तरुणीला अजब धमकी ; गुन्हा दाखल
चोपडा ( प्रतिनिधी ) – माझ्यासोबत प्रेमसंबंध ठेवले नाहीस तर दुसरीप्रमाणे तुझाही खून करेल अशी अजब धमकी देणाऱ्या तरुणाविरुद्ध गुन्हा दाखल करण्यात आला असून तरुणाच्या या वर्तणुकीमुळे तरुणीला जबरदस्त धक्का बसला आहे. या प्रकरणाची पोलीस चौकशी करीत असून तरुणाच्या धमकीत कितपत सत्य आहे याचा पोलीस आता शोध घेत आहे.
सागर पाटील याने एका मुलीच्या मागे लागून तिला बळजबरीने प्रेम संबंध प्रस्थापित करण्यास भाग पाडले . मात्र मुलीला त्याच्याबाबत अधिक माहिती कळल्याने तिने प्रेमसंबंध पुढे चालू ठेवण्यास नकार दिला असता त्याने तिला सरळ धमकी देऊन दुसरीला जसे संपविले तसे तुला संपविला अशी धमकी दिली . या घटनेमुळे तरुणी हादरल्याने तिने पोलिसांत तक्रार दिल्यानुसार
एक ते दीड महिन्यापुर्वी जसा दुसऱ्या मुलीचा मर्डर केला तसा तुझा मर्डर करेल व तुझे फोटो सोशल मीडियावर प्रसारित करेल” अशी धमकी देवून मुलीचा हात पकडून तुला माझ्या प्रेम करावे आणि लग्न देखील करावे लागेल अशी धमकी देवून विनयभंग केला व मारहाण देखील केली.त्यानुसार चोपडा शहर पोलीस ठाण्यात सागर पाटील याच्याविरुद्ध गुन्हा दाखल करण्यात आला आहे. पुढील तपास सहाय्यक पोलीस निरीक्षक अजित सावळे करीत आहे.
