जळगाव ( प्रतिनिधी ) – जळगावातील आव्हाणे शिवारातील माळी नगर येथील हातमजूराची २० हजार रूपये किंमतीची दुचाकी अज्ञात चोरट्यांनी चोरून नेल्याची घटना घडली आहे. याप्रकरणी मंगळवार २१ सप्टेंबर रेाजी दुपारी ३ वाजता अज्ञात चोरट्यांविरोधात गुन्हा दाखल करण्यात आला आहे.
विजय अंबादास लोखंडे (वय – ५२) रा. सावता माळी नगर, आव्हाणे शिवार, जळगाव हे आपल्या कुटुंबियांसह राहायला आहे. हातमजूरी करून आपला उदरनिर्वाह करतात. सोमवारी १९ सप्टेंबर रोजी रात्री ८ वाजता त्यांनी त्यांच्या मालकीची दुचाकी (एमएच १९ बीटी २४६६) घरासमोर पार्किंगला लावलेली होती. मध्यरात्री अज्ञात चोरट्यांनी २० हजार रूपये किंमतीची दुचाकी चोरून नेल्याचे मंगळवारी २० सप्टेंबर रोजी सकाळी ८ वाजता उघडकीला आली. त्यांनी दुचाकीचा सर्वत्र शोध घेतला परंतू दुचाकी कुठेही आढळून आली नाही. दुपारी ३ वाजता जळगाव तालुका पोलीस ठाण्यात तक्रार दिली आहे. त्यांच्या तक्रारीवरून जळगाव तालुका पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे. पुढील तपास पोलीस हेडकॉस्टेबल अनिल तायडे करीत आहे.
