जळगाव (प्रतिनिधी ) कोरोनाच्या महामारीच्या काळानंतर प्रथमच यंदाचा गणेशोत्सव मोठ्या धुमधडाक्यात साजरा होत आहे. आज सकाळपासूनच जळगाव शहरातील घरगुती ,गणेशमंडळांचे गणपती घेण्यासाठी ठिकठकाणी गर्दी झाली होती. जळगावातील टॉवर चौक,अजिंठा चौफुली सुभाष चौक परिसराला यात्रेचे स्वरूप आले होते . घरगुती गणपती सजावटीसाठी लागणारे साहित्य, पूजेचे साहित्य ,फळे, हार फुल आदी घेण्यासाठी नागरिकांची मोठी गर्दी झाल्याचे चित्र पाहायला मिळत होते . सकाळी ११ ते रात्री ११ वाजेपर्यंत गणपतींची प्रतिष्ठापना करण्याचा मुहूर्त असल्याने अनेकांनी आपल्या ऑफिस , कार्यालय व घरांमध्ये आकर्षक सुबक अशा गणपती मूर्तींची प्रतिष्ठापना करण्यात आली . दुपारपर्यंत सर्वत्र गणपती बापाच्या आगमनाच्या , स्वागताचा आनंद प्रत्येकाच्या चेहऱ्यावर ओसंडून वाहत होता . अबालवृद्ध, महिला यांची रेलचे बाजार परिसरात दिसून आली. काही ठिकाणी वाहतूक कोंडीही झाल्याचे पाहायला मिळाले .
