यावल ( प्रतिनिधी ) – गतीमंद असल्याचा फायदा घेत नराधमाने चौदा वर्षीय मुलीवर अत्याचार केल्याची धक्कादायक घटना घडली. आरोपीला पोलीसांनी अटक केली त्याच्याविरोधात यावल पोलीस ठाण्यात गुन्हा दाखल करण्यात आला
यावल तालुक्यातील एका गावात १४ वर्षीय मुलगी कुटुंबियांसह वास्तव्याला आहे. ही मुलगी गतीमंद असल्याने ती घरीच असते. १३ जुलै रोजी सकाळी कुटुंबाचे सदस्य शेतात गेले. दरम्यान, गावातील शांताराम मधनसिंग गायकवाड मुलीचा गैरफायदा घेत तिला बकऱ्यांच्या वाड्यात घेवून गेला. तिथे तिचे तोंड दाबून अत्याचार केला. दुपारी कुटुंबिय घरी आले तेव्हा हा प्रकार लक्षात आला. त्यांनी पीडीतेला सोबत घेवून यावल पोलीस ठाण्यात तक्रार दिली. या तक्रारीवरून शांताराम गायकवाड यांच्या विरोधात गुन्हा दाखल करण्यात आला गुन्हा दाखल झाल्यानंतर पोलीसांनी त्याला अटक केली पुढील तपास पो उ नि सुनिता कोळपकर करीत आहेत.
