पारोळ्यातील बालाजी विद्यालयाची विद्यार्थिनी नाशिक विभागात प्रथम
पारोळा (प्रतिनिधी) – विद्यार्थिदशेत गुणवत्ता मिळवण्या सोबत संस्कार अंगीकारणे काळाची गरज असून त्यामुळे संस्कारशील व सुसंस्कृत पिढी निर्माण होऊन देश सुजलाम सुफलाम करण्यास मदत होईल असे प्रतिपादन जि. प. जळगाव चे माध्यमिक शिक्षणाधिकारी डॉ. नितीन बच्छाव यांनी गुणगौरव सोहळ्यात केले.
औचित्य होते येथील श्री बालाजी विद्या प्रबोधिनी मंडळ संचलित डॉ.व्ही. एम. जैन माध्यमिक व आप्पासाहेब यु.एच.करोडपती उच्च माध्यमिक विद्यालय व सौ एम.यु. करोडपती इंग्लिश मीडियम स्कूल पारोळा या शैक्षणिक संकुलात मार्च 2022 मध्ये घेण्यात आलेल्या माध्यमिक व उच्च माध्यमिक शालांत परीक्षेत विशेष गुणवत्ता प्राप्त विद्यार्थ्यांचा गुणगौरव सोहळा नुकताच जिल्हा परिषद जळगावचे माध्यमिक शिक्षणाधिकारी डॉ. नितीन बच्छाव यांच्या उपस्थितीत संपन्न झाला. या कार्यक्रमाच्या अध्यक्षस्थानी संस्थेचे संस्थापक अध्यक्ष यु. एच. करोडपती तर प्रमुख पाहुणे म्हणून संस्थेचे सचिव डॉक्टर सचिन बडगुजर, गटशिक्षणाधिकारी कविता सुर्वे, शालेय पोषण आहार अधीक्षक चंद्रकांत चौधरी ,ज्येष्ठ पत्रकार बाळासाहेब पाटील, साने गुरुजी विद्या प्रसारक मंडळ चोपडाचे अध्यक्ष विठ्ठल पाटील, सचिव विजय करोडपती, संचालक विनायक पाटील ,बालाजी विद्या प्रबोधिनी मंडळाचे संचालक मंगला करोडपती ,सुनील बडगुजर ,आशिष बडगुजर, डॉ. चेतन बडगुजर ,प्रा. संजय बडगुजर, पारोळा तालुका मुख्याध्यापक संघाचे तालुका अध्यक्ष विनोद माने,प्राथमिक विद्यालयाचे मुख्याध्यापक हेमंतकुमार पाटील, प्राचार्य विजय बडगुजर,सौ.एम .यु.करोडपती इंग्लिश मेडियमच्या प्राचार्य स्वाती बलखंडे आदी उपस्थित होते.
डॉ.व्ही एम जैन माध्यमिक विद्यालयाची विद्यार्थिनी नुपूर जितेंद्र चंद्रात्रे हिने शंभर टक्के गुण मिळवून नाशिक विभागात प्रथम क्रमांक पटकाविला. त्याबद्दल तिचा विशेष गौरव तसेच नम्रता राजेश फुलपगारे 98.80%, गौरी हितेश सराफ 98%, तसेच सौ.एम यु करोडपती इंग्लिश मीडियम चे विद्यार्थी लोकेश देवीदास पाटील 95 %, मनीष विजय पाटील 94.20 %, प्रशांत प्रकाश चव्हाण 94 %, त्याचप्रमाणे उच्च माध्यमिक विद्यालय चे विद्यार्थी तेजस विश्वास चौधरी 82.67%, सुजाता प्रदीप चौधरी 82.67%
तेजस्विनी राजेश पाटील 81.50%.
या विद्यार्थ्यांच्या सत्कार शिक्षणाधिकारी डॉ. नितीन बच्छाव यांच्या हस्ते करण्यात आला त्याचबरोबर माध्यमिक शालांत व उच्च माध्यमिक शालांत परीक्षेत डॉक्टर व्ही.एम.जैन माध्यमिक ,सौ एम.यु. करोडपती इंग्लिश मीडियम स्कूल व आप्पासो यु. एच. करोडपती उच्च माध्यमिक विद्यालयातील 90 टक्के पेक्षा जास्त गुण मिळवणाऱ्या 60 विद्यार्थ्यांचाही गौरव प्रमुख पाहुण्यांच्या हस्ते करण्यात आला. याप्रसंगी नुपूर चंद्रात्रे तेजस्विनी पाटील या विद्यार्थ्यांचे पालकांनी मनोगत व्यक्त केले. तसेच याप्रसंगी पारोळा पंचायत समितीच्या गटशिक्षणाधिकारी कविता सुर्वे यांनी विद्यालयाच्या बाबतीत गौरवोद्गार काढले व विद्यार्थ्यांना पुढील वाटचालीस शुभेच्छा दिल्या संस्थेचे सचिव डॉ.सचिन बडगुजर यांनी यशस्वी झालेल्या विद्यार्थ्यांना त्यांच्या यशाचे श्रेय पालक व शिक्षकांना दिले कार्यक्रमाचे अध्यक्ष यु एच करोडपती यांनी हिरा चमकण्यासाठी त्याला पैलू पाडायचे काम करावे लागते तसेच विद्यार्थ्यांचे गुण बाहेर काढ आणण्याचे काम हे शिक्षक करतात असे असे प्रतिपादन केले. कार्यक्रमाच्या यशस्वीतेसाठी सर्व शिक्षक शिक्षकेतर कर्मचारी यांनी परिश्रम घेतले सूत्रसंचालन दीपक भावसार व साळुंखे मॅडम यांनी केले.
