चाळीसगाव ( प्रतिनिधी ) – बेकायदेशीर गांजा विक्री करणाऱ्या तरूणाला तालुक्यातील बोरखेडा खु॥ येथून पोलीसांनी अटक केली त्यांच्या ताब्यातील तीन किलो वजनाच्या गांजासह दीड लाखांचा मुद्देमाल जप्त केला आहे.
चाळीसगाव-भडगाव रोडवरील बोरखेडा खु. गावातील बस स्थानकाजवळ मोटारसायकलवरून बेकायदेशीर गांजाची वाहतूक करताना तरूणाला ग्रामीण पोलीसांनी रात्री अटक केली
तेजस महादेव खरटमल (वय-१९ , रा. जुना पावर हाऊस ता. चाळीसगाव ) असे अटक केलेल्या तरूणाचा नाव आहे. त्याच्या जवळून २.९०० ग्रॅम वजनाचा गांजा व १,१०,००० रूपये किमतीची हिरो होंडा कंपनीची मोटारसायकल (क्र. एम.एच. १९ डीएस २१७६) असा १,५३,५०० रूपयांचा मुद्देमाल जप्त केला आहे. गुप्त माहिती मिळताच ग्रामीण पोलीसांनी हि कारवाई केली. महिन्याभरात ही अशी तिसरी कारवाई असल्याने अमली पदार्थांची तस्करी करणाऱ्यांमध्ये खळबळ उडाली आहे.
ही कारवाई पोलीस निरीक्षक संजय ठेंगे यांच्या मार्गदर्शनाखाली सपोनि रमेश चव्हाण, सपोनि धर्मसिंग सुंदरडे, पोउनि लोकेश पवार, पोहेकॉ दत्तात्रय महाजन, पोना जयंत सपकाळे, गोवर्धन बोरसे, भुपेश वंजारी, पोकॉ हिराजी शिवाजी देशमुख, मनोहर पाटील आदींनी केली. पोना जयंत सपकाळे यांच्या फिर्यादीवरून चाळीसगाव ग्रामीण पोलीस स्थानकात एनडीपीएस ॲक्ट कलम- ८ (सी), २० (बी), प्रमाणे गुन्हा दाखल करण्यात आला तपास सपोनि रमेश चव्हाण व पोना भुपेश वंजारी हे करीत आहेत.
