जळगाव ( प्रतिनिधी ) – महिला व बाल विकास विभागाच्या राजपत्रातील २ मेरोजीच्या अधिसूचनेनुसार व बाल न्याय (मुलांची काळजी व संरक्षण) अधिनियम 2015 नुसार जिल्हास्तरावर विधी संघर्षग्रस्त बालकांसाठी कार्यरत बाल न्याय मंडळ जळगाव येथे डॉ. शैलजा चव्हाण व सोनाली सोनवणे यांची सदस्य पदावर नियुक्ती करण्यात आली आहे
डॉ.शैलजा चव्हाण सामान्य रुग्णालय, जळगाव येथे नवजात शिशुकक्ष येथे विभाग प्रमूख म्हणून व बाल कल्याण समिती, जळगाव येथे सदस्य म्हणुन कार्यरत होत्या. सोनाली सोनवणे अमळनेरच्या सूर्योदय बहुउ्देशीय संस्थेच्या संचालिका , आयसीटीसी समुपदेशन पर्यवेक्षक, टाटा इन्स्टिट्यूट ऑफ सोशल सायन्स तसेच जिल्हा बाल संरक्षण कक्ष येथे सामाजिक कार्यकर्त्या म्हणुन कार्यरत होत्या त्या महिला व बालकांच्या क्षेत्रात 9 वर्षापासून कार्यरत आहेत.
