जळगाव ( प्रतिनिधी ) – कुसुंबा येथे अंगणात झाडत असताना किरकोळ वादातून महिलेसह मुलींना मारहाण करणाऱ्या आरोपींवर एमआयडीसी पोलीस ठाण्यात गुन्हा दाखल केला असून संशयितांना अटक करण्यात आली आहे.
कुसुंबा येथील कविता सोनवणे अंगणात झाडत असतांना त्यांची मुलगी, नात व मुलाला शेजारी चार जणांनी लाकडी दांडक्याने मारहाण २५ फेब्रुवारी रोजी केली होती. एमआयडीसी पोलिसात चार जणांविरोधात गुन्हा दाखल करण्यात आला. गुन्हा दाखल झाल्यापासून संशयित फरार होते. यातील तुषार कोळी (वय-१९) व सचिन कोळी (वय-२३) ( दोघ रा. कुसुंबा ) यांना गावातून ताब्यात घेतले रविंद्र उर्फ भुरा कोळी (वय-३६) व प्रवीण कोळी (वय-४०) यांना पोलीसांनी ताब्यात घेतले आहे. ही कारवाई पोहेकॉ गफूर तडवी, पो.कॉ सिध्देश्वर डापकर, पो.ना. अतुल पाटील, सचिन पाटील, किशोर पाटील, नाना तायडे, गोविंदा पाटील यांनी केली.
