मुंबई ( प्रतिनिधी ) – माझ्यामागे ईडी लावली तर मी सीडी लावेन, असा इशारा माजी महसूलमंत्री एकनाथराव खडसे यांनी राष्ट्रवादी प्रवेशावेळी देवून राजकीय वर्तुळात खळबळ उडवून दिली होती. त्यानंतर खडसेंनी सीडी बाहेर काढावीच, असे आव्हान विरोधकांनी अनेकदा दिले तरीही सीडी बाहेर आली नाही मात्र आज मुंबईत पुन्हा सीडीबाबत खडसे म्हणाले की , सीडी आपल्याजवळ आहे योग्य वेळ आल्यावर ती आपण प्रसारित करणार असल्याचा इशारा त्यांनी देत खळबळ उडवून दिली आहे.
महाविकास आघाडी सरकारकडून विरोधकांना अडकवण्याचा प्रयत्न सुरू असल्याचा आरोप करत विधानसभेतच व्हिडिओ स्वरूपात पुरावे असलेला ‘पेन ड्राइव्ह’ सादर करून विरोधी पक्षनेते देवेंद्र फडणवीस यांनी खळबळ उडवून दिली होती. याबाबत माध्यमांनी खडसेंना छेडले असता ते म्हणाले की, विधानसभेत गृहमंत्री दिलीप वळसे पाटील यांनी सखोल चौकशीचे आश्वासन दिले असून दूध का दूध, पाणी का पाणी होईल, अशी सूचक प्रतिक्रिया दिली. जे काही तथ्य आहे ते लवकरच समोर येईल, असेही खडसे म्हणाले.
पेन ड्राइव्ह बॉम्बनंतर ‘सीडी’ कधी येईल, ? असा प्रश्न माध्यमांनी विचारल्यानंतर खडसे म्हणाले की, सीडी लावेल, असे बोललो होतो मात्र कधी लावणार याचा टायमींग सांगितलेला नव्हता आता सध्या सीडी लावण्याचा योग्य टायमिंग नाही त्यामुळे योग्य वेळ आल्यावर सीडी लावणारच असा पुर्नउच्चार खडसेंनी करून राजकीय वर्तुळात खळबळ उडवून दिली आहे.
दाऊदशी संबंध जोडल्याने प्रसिद्धी मिळते, माझेही तशाच प्रकारे संबंध जोडले गेले, असा टोला माजी मंत्री खडसे यांनी विरोधकांना लगावला. पेन ड्राइव्ह गाजलं. गृहमंत्री दिलीप वळसे-पाटील यांनी विधानसभेतही सांगितले आहे की, दूध का दूध, पानी का पानी’ होईल. अशा प्रकारच्या सीडी, पेन ड्राइव्ह मी खूपदा बघितले आहेत. त्यामुळे त्याच्यातील तथ्य चौकशीअंतीच बाहेर येईल, असा टोला खडसे यांना फडणवीस यांनी लगावला.
