जळगाव (प्रतिनिधी ) -शहरातील अजिंठा चौकातून मोबाईल चोरी करणाऱ्या आरोपीला स्थानिक गुन्हे शाखेच्या पोलिसांनी अटक केली आहे . गोविंदा आधार पवार वय ३१ रा, पहुरपेठ ह. मु. रामेश्वर कॉलनी जळगाव असे चोरट्याचे नाव आहे.
जळगाव शहरात मोठ्या प्रमाणावर मोबाईल चोरीच्या घटना घडत असून त्या पार्श्वभूमीवर पोलीस अधीक्षक धनंजय मुंढे यांनी दिलेल्या सूचनेनुसार स्थानिक गुन्हे शाखेचे पोलीस निरीक्षक किरणकुमार बकाले यांना एमआयडीसी पोलीस स्टेशनला दाखल मोबाईल चोरीच्या गुन्ह्यातील आरोपीची माहिती मिळाली होती. पथकातील पोहेकॉ विजयसिंग पाटील, जितेंद्र पाटील,अक्रम शेख, सुधाकर अंभोरे,संदीप सावळे ,नितीन बाविस्कर ,राहुल पाटील,प्रीतम पाटील,ईश्वर पाटील गोविंदा पवार यास मेहरूण बगीचा येथुन ताब्यात घेवून त्यास त्याचे नावगाव विचारता गोविंदा आधार पवार वय – ३१ मुळ रा. पहुर पेठ ता. जामनेर जि. जळगांव ह.मु रामेश्वर कॉलनीस्वामी समर्थ केंद्राजवळ जळगांव असे सांगीतले, सदरचा मोबाईल चोरी करणारा तोच असल्याची खात्री झाल्याने त्याची अंगझडती घेता त्याचे पॅन्टचे खिशात एक ओपो कंपनीचा रेनो ६ प्रो मोबाईल मिळुन आल्याने त्यास मोबाईल बाबत विचारपुस करता त्याने सांगीतले सदरचा मोबाईल हा त्याने त्याचा एक साथीदार याचे मदतीने जळगाव शहरातील अजिंठा चौफुली जवळील हॉटेल जमजम येथुन चोरी केला असल्याचे सांगीतल्याने त्याचे ताब्यात मिळुन आलेला मोबाईल फोन गुन्हयाकामी जप्त करून आरोपी नामे गोविंदा आधार पवार याला ताब्यात घेवुन त्यास पुढील कारवाई कामी एमआयडीसी पोलिसांच्या ताब्यात दिले आहे.
