जळगाव ( प्रतिनिधी ) – भुसावळकडून जळगावकडे येताना दुचाकीला अज्ञात वाहनाने धडक दिल्याने दुचाकीस्वार जागीच ठार झाला व त्याचा साथीदार गंभीर जखमी झाल्याची घटना नशिराबादजवळील पाटील नर्सरीजवळ घडली. शनिवारी रात्री नशिराबाद पोलीस ठाण्यात अज्ञात वाहनचालकावर गुन्हा दाखल करण्यात आला
किशोर भास्कर झाल्टे (वय-२४ , रा. पातोंडा ता. नांदूरा जि. बुलढाणा ) असे मयताचे नाव आहे. किशोर झाल्टे खासगी नोकरी करत होते. किशोर झाल्टे आणि त्याचा मित्र दिपक मधूकर सुरळकर ( रा. कोथळी ता. मोंढाळा जि. बुलढाणा) हे कामानिमित्ताने एमएच २८ बीजे ९३० क्रमांकाच्या दुचाकीने जळगाव येथे येत होते. रात्री नशिराबाद गावाजवळील पाटील नर्सरीकडून जळगावकडे येत असतांना अज्ञात वाहनाने धडक दिली. या अपघातात दुचाकीस्वात किशोर झाल्टे जागीच ठार झाला तर दिपक सुरळकर गंभीर जखमी झाला. जखमीवर खासगी रूग्णालयात उपचार सुरू आहे. मयत किशोर झाल्टे यांचे वडील भास्कार झाल्टे यांच्या फिर्यादीवरून शनिवारी नशिराबाद पोलीस ठाण्यात अज्ञात वाहनचालकाविरोधात गुन्हा दाखल करण्यात आला पुढील तपास पोलीस हेकॉ राजेंद्र ठाकरे करीत आहेत .
