जळगाव ( प्रतिनिधी ) – वाघ नगर येथून जवळ जिजाऊनगर परिसरात मध्यरात्री चोरट्यांनी बंद घर फोडल्याची घटना शुक्रवारी सकाळी उघडकीला आली चोरीत कोणताही मुद्देमाल चोरीस गेलेला नाही जळगाव तालुका पोलीस ठाण्यात अज्ञात चोरट्यांवर गुन्हा दाखल करण्यात आला आहे.
सतिष बाविस्कर (वय-३५ , रा. जिजाऊ नगर ) हे पत्नी अनिता व दोन मुलांसह वास्तव्याला असून ते एमआयडीसीतील खासगी कंपनीत नोकरीला आहे. गुरूवारी सतिष बाविस्कर यांची रात्रपाळीसाठी कामावर होते. त्यामुळे त्यांची पत्नी मुलगा अक्षय आणि मुलगी प्रज्ञा यांच्यासह भावाच्या घरी रात्री झोपण्यासाठी गेल्या होत्या. त्यांनी घराला कुलूप लावले होते. शुक्रवारी सकाळी त्या मुलांसह घरी गेल्या त्यांच्या घराच्या दरवाजाचे कुलूप तोडलेले दिसून आले. आत घरातील सामान अस्तव्यस्त झालेले दिसून आले. चोरट्यांना घरात काहीही मुद्देमाल आढळून न आल्याने खाली हात परतावे लागले. जळगाव तालुका पोलीसांना माहिती देण्यात आली. पोलीसांनी पंचनामा केला सतिष बाविस्कर यांच्या फिर्यादीवरून अज्ञात चोरट्यांवर गुन्हा दाखल करण्यात आला आहे.
