जळगाव ( प्रतिनिधी ) – शहरातील महिलेला शिवीगाळ व मारहाण करून विनयभंग केल्याची घटना २९ डिसेंबररोजी दुपारी घडली. एमआयडीसी पोलीस ठाण्यात चार जणांविरोधात गुन्हा दाखल करण्यात आला आहे.
शहरातील कासमवाडी परिसरात ४८ वर्षीय महिला कुटुंबियांसह वास्तव्याला आहे. २९ डिसेंबररोजी दुपारी महिलेच्या मुलाला घरासमोरील मुलगा भैरव राणे हा ओढताण करत असल्याचे पाहून महिला सोडविण्यासाठी गेली. त्यावेळी भैरव राणे याने महिलेला अश्लिल शिवीगाळ करून विनयभंग केला. प्रमिला भगवान राणे, उज्जवला प्रदीप राणे आणि प्रदीप पाटील यानी महिलेसह तिच्या मुलाला बेदम मारहाण केली. महिलेने चौघांविरोधात तक्रार दिली. त्यांच्या तक्रारीवरून एमआयडीसी पोलीस ठाण्यात चौघांवर गुन्हा दाखल करण्यात आला आहे. पुढील तपास पोहेकॉ सुनिल सोनार करीत आहेत.
