जळगाव ( प्रतिनिधी ) – अल्पवयीन मुलीवर अत्याचार करणाऱ्या आरोपीने जामिनासाठी शुक्रवारी न्यायालयात अर्ज केला होता. न्यायालयाने सुनावणीअंती जामीन अर्ज फेटाळून लावला आहे.
रामानंदनगर पोलीस ठाण्याच्या हद्दीत राहणारा विनोद मधुकर लोंढे याने कचरा फेकण्यासाठी आलेल्या अल्पवयीन मुलीवर अत्याचार केल्याची घटना १५ नोव्हेंबररोजी सकाळी घडली होती. दिवसभर मुलीला डांबून ठेवल्यानंतर सायंकाळी तिला तिच्या घराजवळ सोडून दिले होते. मुलीने ही घटना आईला सांगितली होती. पीडितेच्या आईने रामानंदनगर पोलीस ठाणे गाठून तक्रार दिली होती. विनोद लोंढे याच्याविरूध्द गुन्हा दाखल करण्यात आला होता. त्याला अटक करण्यात आली होती. दरम्यान, जामीन मिळावा यासाठी त्याने शुक्रवारी जिल्हा व सत्र न्यायालयात अर्ज केला.न्या एस.जी.ठुबे यांनी जामीन अर्ज फेटाळून लावला आहे. सरकारपक्षातर्फे अॅड़ सुरेंद्र काबरा यांनी काम पाहिले.
