जळगाव ( प्रतिनिधी ) – जळगावातून नशिराबादकडे जाणाऱ्या दुचाकीला समोरून येणाऱ्या भरधाव ट्रकने धडक दिल्याने दुचाकीस्वाराचा जागीच मृत्यू झाल्याची घटना सोमवारी घडली. मंगळवारी ट्रक चालकावर नशिराबाद पोलीस ठाण्यात गुन्हा दाखल करण्यात आला
बापूराव चैत्राम शिलावट ( रा. दत्तसागर हॉटेलच्या मागे नशिराबाद ) हे कुटुंबीयांसह वास्तव्याला होते . खाजगी नोकरी करून उदरनिर्वाह करत होते . सोमवारी दुपारी बापूराव शिलावट जळगाव येथून नशिराबादकडे एमएच १९ डीटी ४०२६ क्रमांकाच्या दुचाकीने सरस्वती फोर्ड शोरूमसमोरून घरी जात असताना भुसावळकडून येणारा भरधाव ट्रक क्रमांक (आरजे ४७ जीए ९५४) याने दुचाकीला धडक दिली. या धडकेत बापूराव चैत्राम गंभीर जखमी झाले. त्यांना खाजगी रूग्णालयात दाखल केले असता त्यांना डॉक्टरांनी मयत घोषित केले. त्यांचा मुलगा दिनेश सिलावट यांच्या फिर्यादीवरून ट्रकचालक चंद्रलाल हिरालाल (पूर्ण नाव माहित नाही) याच्या विरोधात मंगळवारी नशिराबाद पोलिस ठाण्यात गुन्हा दाखल करण्यात आला पुढील तपास पोउनि राजेंद्र साळुंखे करीत आहेत
